Maríanna H. Helgadóttir

Ég útskrifaðist með Bsc. próf í búvísindum frá Búvísindadeild Bændaskólans á Hvanneyri 1999 en það var háskóladeild skólans á þeim tíma, nú Landbúnaðarháskóli Ísland. Síðan lá leiðin út á vinnumarkaðinn og með vinnu tók ég 30 ECTS einingar við viðskiptafræðideild Háskóla Íslands. Einnig tók ég diplómanám í opinberri stjórnsýslu og er nú í lögfræðinámi við Háskóla Íslands. Ég er formaður Félags íslenskra náttúrufræðinga sem er stéttarfélag og var kosin í það hlutverk 8. apríl 2016 og starfa þar í fullu starfi. Ég hóf störf hjá félaginu í lok árs 2006. Þar áður starfaði ég hjá Líflandi frá 2005 og frá árinu 1999 hjá Bændasamtökum Íslands.